karva chauth vrat-karva chauth poojan, mahatv, katha aur mantar-KKHMH


karva chauth vrat-karva chauth vrat me shuagan mahilaye apne pati ki lambi umar ke liye upwas rakhti hai.karva chauth vrat par mahilaye 16 sriangar karti h




karva chauth vrat-karva chauth poojan, mahatv, katha aur mantar-KKHMH


karva chauth vrat kya hai

karva chauth vrat bharat me  uttar pradesh, panjab, rajasthan aur gujarat me manaya jata hai. is parv par vivahit aurate apne pati ki lambi umar ke liye poore din ka vrat rakhti hai aur sham ko chand dekhkar pati ke hath se jal pikar vrat samapt karti hai. is din bhagawan shiv, parvati ji, ganesh ji, kartikey ji aur chand ki pooja ki jati hai..

karva chauth vrat 2018 kab hai

2018 me karva chauth vrat shanivar 27 October 2018 ko hai. Yah pure bharat me manaya jayega.


karva chauth vrat ki shurooat aur iska mahatav

karva chauth vrat parv ki shurooat ek bahut hi ache vichar par adharit thi. magar samay ke sath is parv ka mool vichar kahi kho gaya aur aj iska poora paridrshya hi badal chuka hai.




karva chauth vrat ki katha ka itihaas

purane jamane me ladakiyo ki shadi bahut jaldi kar di jati thi aur unhn kisi doosare ghar me apne sasural valo ke sath rahna padata tha. agar use apne pati ya sasural valo se koi pareshani hoti thi . uske pas koi aisa nahi hota tha jisse vo apni bat kah sake ya madad mang sake. 

uske apne parivar vale aur rishtedar uski pahunch se kafi door hua karte the. us jamane me na to teliphon hota tha, na bas aur na hi train. is tarah ek rivaj ki shuruat hui ki shadi ke samay jab dulhan apne sasural jayegii to use vahan ek doosari aurat ko dost banana hoga jo umar bhar uski bahan ya dost ki tarah rahegi. ye dharm-sakhi ya dharm-bahan ke jaisa hoga. 

unki mitrata ek chhote se hindu poojan samaroh dvara shadi ke samay hi pramanit ki jayegi. ek bar dulhan aur is aurat ke dharm-sakhi ya dharm-bahan ban jane ke bad jindagi bhar is rishte ko nibhayengi. ve apas me sagi bahano jaisa bartav karengi. bad me kisi tarah ki pareshani hone par, chahe vo pati ya sasural valo ki taraph se ho, ye dono aurate apas me bat kar sakti hai ya ek dusare ki madad kar sakti hai.

 ek dulhan aur uski dharm-sakhi (dharm-bahan) ke bich is mitrta (sambandh) ko ek parv ke roop me manaya jane laga. is tarah karva chauth ki shuruat hui. pati ki bhalai ke liye pooja aur vrat iske bahut bad me shuru hua. aisi asha hai ki is parv ki mahatta ko aur badhane ke liye ise purani kathao ke sath jod diya gaya.  

karva chauth is dharm-sakhi (dharm-bahan) ke rishte ko phir se navin roop dene aur manane ka salana parv hai. ye us samay ki ek sarvashreshth samajik aur sanskrtik mahanta thi jab duniya me batachit ke tarikn ki kami thi aur ana-jana itna asan nahi tha.

Diwali ka Tyohar Kyon Aur Kaise Manaya Jata Hai


karva chauth vrat ki pauranik kathaye


1. paramparagat katha

(rani viravati ki kahani): bahut samay pahle viravati naam ki ek sundar ladaki thi. vo apne sat bhaiyo ki ikalauti bahan thi. uski shadi ek raja se ho gai. shadi ke bad pahle karva chauth ke mauke par vo apne mayake a gai. 

usne bhi karva chauth ka vrat rakha lekin pahala karva chauth hone ki vajah se vo bhookh aur pyas bardasht nahi kar pa rahi thi. vah betabi se chand ke ugane ka intajar karne lagi. usake sato bhai uski ye halat dekhakar pareshan ho gaye. ve apni bahan se bahut jyada pyar karte the. 

unhonne viravati ka vrat samapt karne ki yojna banai aur pipal ke patton ke piche se aine me nakali chand ki chhaya dikha di. viravati ne ise asali chand samajh liya aur apna vrat samapt kar khana kha liya. rani ne jaise hi khana khaya vaise hi samachar mila ki uake pati ki tabiyat bahut kharab ho gai hai. rani turant apne raja ke pas bhagi. raste me use bhagawan shankar parvati devi ke sath mile. 

parvati devi ne rani ko bataya ki uske pati ki mrityu ho gai hai kyonki usne nakali chand dekhakar apana vrat tod diya tha. rani ne turant chama mangi. parvati devi ne kaha, tumhara pati phir se jinda ho jayega lekin iske liye tumhe karva chauth ka vrat kathorata se sampan karna hoga. tabhi tumhra pati phir se jivit hoga. uske bad rani viravati ne karva chauth ka vrat poori vidhi se sampan kiya aur apne pati ko dubara prapt kiya.






2. karva chauth ki pauranik katha

iske anusar ek samay ki bat hai, jab nilagiri parvat par pandav putar arjun tapasya karne gaye. tab kisi karanavash unhe vahin rookana pada. unhi dino pandavo par gahara sankat a pada. tab chintit va shokakul draupadi ne bhagawan shrikrshan ka dhyan kiya tatha krsh‍na ke darshan hone par pandavo ke kashto ke nivaran hetu upay poochha. 

 tab krshan bole- he draupadi! mai tumhari chinta evam sankat ka karan janta hoo. uske liye tumhe ek upay karna hoga. jaldi hi kartik mah ki krshan chaturthi ane vali hai, us din tum poore man se karva chauth ka vrat rakhna. bhagawan shiv, ganesh evam parvati ki upasna karna, tumhare sare kasht door ho jayenge tatha sabakuch thik ho jayega. 

 krshan ki agya ka palan kar dropadi ne vaisa hi karva chauth ka vrat kiya. tab use shighr hi apne pati ke darshan hue aur uski sari chintaye door ho gai. jab maa parvati dvara bhagawan shiv se pati ki dirghayu evam sukh-sampatti ki kamana ki vidhi poochhi tab shiv ne karva chauth vrat’ rakhne ki katha sunai thi. karva chauth vrat karne ke liye shrikrshan ne daupadi ko niman katha ka ullekh kiya tha.

Choti Diwali kyo manai jati hai


3. purano ke anusar katha

karva nam ki ek pativrata dhobin apne pati ke sath tungabhadra nadi ke kinare sthit ganv me rahati thi. usaa pati budha aur nirbal tha. ek din jab vah nadi ke kinare kapade dho rahi thi tabhi achanak ek magaramachch vaha aya, aur dhobi ke pair apne danto me dabakar yamlok ki or le jane laga.

 vrddh pati yah dekh ghabaraya aur jab usse kuchh kahte nahi bana to vah karva. karva. kahakar apni patni ko pukarane laga. pati ki pukar sunakar dhobin karva vahan pahumchi, to magaramachchh uske pati ko yamlok pahunchane hi vala tha. tab karva ne magar ko kache dhage se bandh diya aur magaramachchh ko lekar yamraj ke dvar pahunchi. 

 usne yamaraj se apne pati ki raksha karane ki guhar lagai aur sath hi yah bhi kaha ki magaramachchh ko uske is karya ke liye kathin se kathin dand dene ka agrah kiya aur boli- he bhagawan! magaramachchh ne mere pati ke pair pakad liya hai. ap magaramachchh ko is aparadh ke dand-svaroop narak bhej dena. 

 karva ki pukar sun yamaraj ne kaha- abhi magar ki ayu shesh hai, mai use abhi yamlok nahi bhej sakta. is par karva ne kaha- agar apne mere pati ko bachane me meri sahayata nahi ki to main apko shrap doongi aur nasht kar dungi. karva ka sahas dekh yamaraj bhi dar gaye aur magar ko yamapuri bhej diya. 

sath hi karva ke pati ko dirghayu hone ka varadan diya. tab se kartik krshan ki chaturthi ko karva chauth vrat ka prachalan me aya. jise is adhunik yug me bhi ladies apne poori bhakti bhav ke sath karti hai aur bhagawan se apni pati ki lambi umr ki kamna karti hai.

Dhanteras ka tyohar kyo mante hai





Is Tarah se kare karva chauth ke vrat aur pujan ki vidhi,

suryoday se pahle snan karake vrat rakhne ka sankalp le. 

phir mithai, phal, sevi aur pudi ki saragi grahan kar vrat shuru kare. 

sampurn shiv parivar aur shrikrshan ki sthapna kare. 

ganesh ji ko pile phulo ki mala, laddu aur kele chadhaye. 

bhagawan shiv aur parvati ko belapatr aur shringar ki vastuye arpit kare. 

shrikrshan ko makhan-mishri aur pede ka bhog lagaye.

unke samne mogra ya chandan ki agarbatti aur ghi ka dipak jalaye.

mitti ke karve par roli se svastik banaye.iske liye aap karva chauth calendar ko bhi dekh sakte hai

karve me dudh, jal aur gulab jal milakar rakhe aur rat ko chhalani ke prayog se chandar darshan kare aur chandrama ko arghya de.

karva chauth vrat ke din mahilaye solah shringar jarur kare, isse saundarya badhta hai.

karva chauth vrat ke din karva chauth ki katha kahani ya phir sunni chahiye.

katha sunne ke bad apne ghar ke sabhi bado ke charan sparsh karne chahiye


Navratri festival me kim matao ki puja hoti hai


karva chauth  vrat  par pati ki dirghayu ki kamna kar padhe yah mantar

namastyai shivayai sharvanyai saubhagyan santati shubha.
prayachchh bhaktiyuktanan narinan haravallabhe.





Karva Poojan ki vidhi

karva chauth vrat me karve par 13 bindi rakhe aur gehu ya chaval ke 13 dane hath me lekar karva chauth ki katha kahe ya sune. katha sunne ke bad karave par hath ghumakar apani sasuji ke pair chukar ashirvad le aur karva unhe de de. 13 dane gehu ke aur pani ka lota ya tontidar karva alag rakh le.

chandrama nikalne ke bad chalani ki ot se use dekhe aur chandrama ko arghya de. iske bad pati se ashirvad le. unhe bhojan karaye aur svayan bhi bhojan kar le. pujan ke pashchat as-pados ki mahilaon ko karva chauth ki badhai dekar parv ko sampan kare.



Conclusion

Is tarah se aap bhi poori vidhi aur vidhan se karva chauth ka vrat rakhe aur iska palan kare. aap karva chauth calendar me bhi dekh sakte hai.



Karwa Chauth Vrat 2018 ki Hardik shubkamnaye

Post a Comment

0 Comments