govardhan puja ka parv kyo manaya jata hai - goverdhan parvat ka mahtav



govardhan puja - diwali parv ke thik agle din kartik mash ki shukal paksh ki pratipada ko govardhan utsav manaya jata hai. Is din govardhan parvat ki puja hoti hai.isi din krishna ne govardhan parvat uthaya tha.


govardhan puja ka parv kyo manaya jata hai - goverdhan parvat ka mahtav




govardhan puja kya hai

govardhan puja ko ‘anakut puja’ bhi kaha jata hai. is din log ghar ke angan me gobar se govardhan parvat ka chitr banakar govardhan bhagawan ki puja karte hain. is din gayo ki seva ka vishesh mahatv hai. govardhan puja ka sahi samay pradosh kal me mana gaya hai.


kaha hai govardhan parvat

govardhan parvat uttar pradesh ke mathura jile ke antargat ek nagar panchayat me aata hai. govardhan va iske aspas ke hise ko braj bhumi bhi kaha jata hai. yah bhagawan shri krishan ki lila sthali hai. yahi par bhagawan shri krishan ne dwapar yug me braj vasiyon ko inder ke prakop se bachane ke liye govardhan parvat apni kanishth anguli par uthaya tha. govardhan parvat ko bhaktajan giriraj ji bhi kahte hai.




krishna govardhan parvat uthane ki katha

ek bar ki bat hai inder ko apni shaktiyo par ghamand ho gaya. tab bhagawan krishan ne unke ghamand ko chur karne ke liye ek lila rachi. isme unhone sabhi braj vasiyon aur apni mata ko ek puja ki taiyari karte hue dekha to, yashoda maa se puchane lage, "maiya aap sab kiski puja ki taiyari kar rahe hai?” tab mata ne unhe bataya ki vah inder dev ki puja ki taiyari kar rahi hai.

" phir bhagawan krishan ne puchha "maiya ham sab inder ki puja kyo karte hai? tab maiya ne bataya ki inder varsha karte hai aur usi se hame ann aur hamari gay ke ghas milta hai. yah sunakar krishan ji ne turant kaha "maiiya hamari gay to ann govardhan parvat par charati hai, to hamare lie vahi pujaniya hona chahye. inder dev to ghamandi hai wah kabhi darshan nahi dete hai. 


krishan ki bat mante hue sabhi braj vasiyo ne inder dev ke sthan par govardhan parvat ki puja ki. is par krodhit hokar bhagawan inder ne musaladhar barish shuru kar di. varsha ko badh ka roop lete dekh sabhi braj ke nivasi bhagawan krishan ko kosne lage. tab krishan ji ne varsha se logo ki raksha karne ke lie govardhan parvat ko apni kani ungali par utha liya.


krishna ne kaise govardhan parvat se sabki raksha ki

iske bad sab ko apne gay sahit parvat ke niche sharan lene ko kaha. isse inder dev aur adhik krodhit ho gae tatha varsha ki gati aur tej kar di. inder ka abhiman choor karane ke liye tab shri krishan ne sudarshan chakar se kaha ki ap parvat ke upar rahakar varsha ki gati ko niyantrit karane ko aur shes naag se mend banakar parvat ki or pani ane se rokane ko kaha. inder dev lagatar 

rat- din musaladhar varsha karate rahe. kafi samay beet jane ke bad unhe ehasas hua ki krishan koi sadharan balak nahi hai. tab vah brahma ji ke pas gaye tab unhe gyat hua ki shri krishan koi aur nahi svayam shri hari vishnu ke avtar hai. itna sunte hi vah shri krishan ke pas jakar unse chamaa yachna karne lage. iske bad devaraj inder ne krishan ki puja ki aur unhe bhog lagaya. tabhi se govardhan puja ki parampara kayam hai. manyata hai ki is din govardhan parvat aur gayo ki puja karne se bhagawan krishan prasan hote hai.





govardhan puja ka mathtav


govardhan puja me godhan yani gayo ke puja ki jate hai . shastro me bataya gaya hai ki gay usi prakar pavitar hoti jaise nadiyo me ganga nadi. gay ko devi lakshme ka swarup bhi kaha gaya hai. devi lakshme jis prakar sukh samrddhi pradan karti hai usi prakar gay mata bhi apne dudh se swasthya rupey dhan pradan karte hain.

govardhan puja ka parv kyo manaya jata hai - goverdhan parvat ka mahtav

is tarah gay sampurn manav jati ke liye pujaneya hai. gay ke prati shradha prakat karne ke liye he kartik shukl paksh pratipada ke din gorvadhan parvat ki puja ki jati hai aur iske pratek ke roop me gay ki puja ki jate hai. is din govardhan parvat ke puja ka bhe vidhan hai.





govardhan puja par Kaise kare din ki shuruat

kartik shukal pratipada ko pratahkal tail-snan (tail lagakar snan) karana chahiye. gay, bachhado evam bailo ke bhakt ipurvak puja karne chahiye. yadi ghar me gay ho, to gay ke sharir par lal evam pile rang lagana chahiye. gay ke sing par tel va geru lagana chahiye. phir use ghar me bane bhojan ka pratham ansh khilana chahiye.


 yadi ghar me gay na ho, to ghar me bane bhojan ka ansh ghar ke bahar gay ko khilana chahiye. iske bad govardhan puja (ann-kut-puja) karni chahiye. iske liye jo log govardhan parvat ke pas nahi hai, ve gobar se ya bhojyan se govardhan bana lete hai. ann se bane govardhan ko he ann-kut kahte hain. use ko kramashah pady-arghy-gandh-pushp-dhup-dep-naivedy-achaman-tambul-dakshina samarpit karte hue puja karte hai.


govardhan puja par kya vishesh hota hai

is govardhan puja ka apna vishesh mahatav hai. prakrtik vipattiyo se savadhan rahane ke suchna govardhan ke katha se milati hai. sath hi go-mata ke mahima aur ann he brahm hai, iska bhi gyan milta hai. govardhan puja ke din doodh aur usse bane vastuo ka upayog to sabhi bade chav se karte hai kintu gayo ke durdasha or kitan ka dhyan jata hai!

 ann ka ahar kaun nahi karta, kintu uske barbadi par dhyan dene wale kam he log hain.  ise anachar ke phal-svarup ativrshti, anavrshti, akal, bhukamp jaise prakrtik sankaton se manav-samaj ko jujhana padta hai. govardhan puja ya ann-kut parv dvara iseliye ukt vishay samuchit chetavani de jate hai.


govardhan puja kis parkar se kare

is din pratkal me gay ke gobar se govardhan banaya jata hai. anek sthanon par iske manushyakar banakar pushpo, latao adi se sajaya jata hai. sandhya ko govardhan ki puja ke jate hai. puja me dhup, dep, naivedy, jal, phal, phul, khel, batashe adi ka prayog kiya jata hai. govardhan me onga (apamarg) anivary roop se rakha jata hai. puja ke bad govardhan ji ki sat parikramae unki jay bolte hue lagai jati hai. parikrama ke samay ek vyakti hath me jal ka lota va any khel (jau) lekar chalte hai. jal ke lote vala vyakti pani ke dhara girata hua tatha anya jau bote hue parikrama puri karate hai.


govardhan puja kaise hoti hai

govardhana ji gobar se lepe hue purush ke rup me banae jate hai. inke nabhi ke sthan par ek katore ya mitti ka depak rakh diya jata hai. phir isme dudh, dahi, gangajal, shahd, batashe adi puja karte samay dal diye jate hain aur bad me ise prasad ke rup me bant dete hai. anakut me chandr-darshan ashubh mana jata hai. 

yadi pratipada me dviteya ho to annakut amavasya ko manaya jata hai. govardhan puja par puja ka samay kahi pratkal hota hai to kahi dopahar aur kahi par sandhya ke samay govardhan puja ki jati hai. is din sandhya ke samay daityaraj bali ka pujan bhi kiya jata hai. govardhan giri bhagawan ke rup me mane jate hain aur is din unaki puja apne ghar me karne se dhan, dhanya, santan aur goras ke vrddhi hoti hai.

Dushera Parv Kya Hai - Dussehra Puja Vidhi in Hindi


govardhan puja ke din kastakar aur kal-kar khano me karya karane vale karigarr bhagawan vishvakarma ki bhi puja karte hain. is din sabhi kal-kar khane to band rakhte hai, ghar par kutir udyog chalane vale karigar bhi kam nahi karte.





Shri Govardhan puja Arti

shre govardhan maharaj, o maharaj,
tere mathe mukut viraj raheo .
tope pan chadhe tope phul chadhe,
tope chadhe dudh ke dhar .
tere sat kos ke parikamma,
chakaleshvar hai vishram .
tere gale me kantha saj reheo,
thode pe hera lal .
tere kanan kundal chamak raheo,
tere jhanke bane vishal .
giriraj dharan prabhu tere sharan .



Gou Puja Mantra

लक्ष्मीर्या लोकपालानां धेनुरूपेण संस्थिता। 
घृतं वहति यज्ञार्थ मम पापं व्यपोहतु।।

Diwali ka Tyohar Kyon Aur Kaise Manaya Jata Hai


Conclusion

is tarah govardhan puja  ka tyohar har varsh ata hai aur logon me bhakti bhav bhar jata hai .govardhan puja parv-tyoharon ke madhyam se log apni pasuo se prem bhav late hai .


Happy Goverdhan Puja 2018

Post a Comment

0 Comments