Chhath Puja ka parv kab manay jata hai-Chhath Puja ki puja vidhi hindi me


chhath puja-chhath puja parv shasthi ka hi roop hai.diwali manane ke 6 din bad manaye jane ke karan ise chhath kaha jata hai.chhath puja 2018 me 13 nov ko h.



Chhath Puja ka parv kab manay jata hai-Chhath Puja ki puja vidhi hindi me


Chhath Puja ka parv kab manay jata hai

chhath puja 4 dino ka tyohar hai aur isme saaf-saphai ka khas dhyan rakha jata hai. chhath puja tyohar me galati ki koi jagah nahi hoti. is vrat ko karne ke niyam itne kath‍in hai, is vajah se ise maha parv aur maha vrat ke naam se sambodhit kiya jata hai.log is parv par log chhath geet video , chhath ke video bhi sunna pasand karte hai.



chhathi maiya kaun hai

manyta hai ki chhath devi surya dev ki bahan hai aur unhi ko prasan karne ke liye jivan ke mahatvapoorn avayavon me surya va jal ki mahata ko manate hue, inhe sakshi man kar bhagwan surya ki aradhna tatha unka dhanywad karte hue maa ganga-yamuna ya kisi bhi pavitr nadi ya pokhar ( talab ) ke kinare yah pooja ki jati hai.

shashthi maa yani ki chhath mata bacho ki raksha karne wali devi hai. is vrat ko karne se santan ko lambi ayu ka varadan milata hai. 

markandey puran me is baat ka ulekh milta hai ki srsht‍i ki adh‍ishthatri prakrti devi ne apne ap ko chhah bhago me bant liya tha. inke chhathe ansh ko sarv shreshth matr devi ke roop me jana jata hai, jo brahma ki manas putri hai. 

vo bacho ki raksha karne wali devi hai. kartik mas ke shukal paksh ki shashthi ko inhi devi ki pooja ki jati hai. sh‍ishu ke janam ke chhah dino bad inhi devi ki pooja ki jati hai. 

Navratri festival me kim matao ki puja hoti hai

inki prarthana se bache ko svasthya, saphalata aur dirgh ayu ka ashirvad milta hai. janakaro ki mane to purano me inhi devi ka naam Mata katyayani bataya gaya hai, jinki navaratri ki shashthi tith‍i ko pooja ki jati hai.


chhath puja ki vrat katha

chhath puja vrat katha ke anusar priyavrat nam ke ek raja the. unki patni ka nam malini tha. dono ki koi santan nahi thi. is bat se raja aur uski patni bahut dukhi rahte the. unhone ek din santan prapti ki icha se maharshi kashyap dwara putreshti yagya karavaya. is yagy ke phalaswarop rani garbhavati ho gai. 

9 mahine bad santan sukh ko prapt karne ka samay aya to rani ko mara hua putar prapt hua. is bat ka pata chalne par raja ko bahut dukh hua. santan shok me vah atm hatya ka man bana liya. lekin jaise hi raja ne atmhatya karane ki koshish ki unke samne ek sundar devi prakat hui.

Dushera Parv Kya Hai - Dussehra Puja Vidhi in Hindi

devi ne raja ko kaha ki mai shashti devi hu. main logo ko putar ka saubhagya pradan karti hu. iske alawa jo sache bhav se meri pooja karta hai, mai uske sabhi prakar ke manorath ko poorn kar deti hu. yadi tum meri pooja karoge to mai tumhe putar ratan pradan karungi. devi ki bato se prabhavit hokar raja ne unki agya ka palan kiya. 

raja aur unki patni ne kartik shukal ki shashti tithi ke din devi shashti ki poore vidhi -vidhan se pooja ki. is pooja ke phal swaroop unhe ek sundar putar ki prapti hui. tabhi se chhath ka pavan parv manaya jane laga. 

chhath vrat ke sandarbh me ek any katha ke anusar jab pandav apna sara rajapat jue me har gaye, tab draupadi ne chhath vrat rakha. is vrat ke prabhav se uski mano kamanaye poori hui tatha pandavo ko rajapat vapas mil gaya.


chhath puja ka itihas kya hai

bharatiya sanskrti me rg vaidik kal se surya ki upasna ka ulekh milta hai hindu dharm ke anusar surya ek aise devata hai jinka sakshat roop se darshan kiya jata hai sampoorn jagat surya ke prakash se hi chalayaman hai. 

ped paudho ke jivan ke astitv se lekar din, rat, dhup, chhav, sardi, garmi, barasat sabhi surya dvara hi sanchalit hota hai jis karan surya ko adidev bhi kaha jata hai jis karan se hindu dharm me surya dev ki vishesh pooja archana upasana ka mahatv hai

shivratri ka vrat ki katha

chhath puja ko lok astha ka parv bhi kaha jata hai yah deepawali ke bad thik chhate din padta hai chhath puja kar anek lok kathaye evam kahaniya prachalit hai jo is prakar hai.


chhath puja manane ki kuch pauranik evam lok kathaye is parkar hai

1. Mahabharat kal ke anusar jab kunti avivahit thi tab ek surya dev ka anushthan kiya tha jiske phal svaroop unhe putraratn ki prapti hui thi jinhe karan ke naam se jana jata hai. 

lekin lokalaj ke bhay se kunti ne is putar ko ganga me baha diya tha surya ke varadan se utpan karan bhi surya ke saman tej aur atyadhik balashali bhi the jiske chalate age chalakar log aise surya ke saman putar ki kamana hetu surya upasna aur pooja karne lage 

2. Ramayan kal me jab shri ram lanka vijay hokar vapas ayodhya laute the tab apne rajya me ramarajya ki sthapana hetu is din bhagavan ram ne apni patni sita ke sath vrat kiya tha aur surya dev ki vidhivat pooja archana kiya tha. 

phir agle din suryaoday ke samay surya ki pooja karke is vrat ka palan karke surya dev se ashirvad prapt kiya tha jiske chalte lok mangal kalyan hetu is vrat ka ayojan logo dvara hone laga.

Diwali ka Tyohar Kyon Aur Kaise Manaya Jata Hai

3. ek anya manyata ke anusar surya se janme karan subah sham surya ki ghanto jal me rahakar pooja upasna kiya karte the jiske karan unke jivan par surya dev ki hamesa se vishesh krpa rahi jis karan log surya se ashirvad prapt karne ke liye is chhath puja ka ayojan karne lage. 

4. ek anya katha ke anusar jab pandav jue me sabakuchh harakar jangal me nivas karne lage tab apne rajya aur sukh ki prapti ke liye bhi draupadi ne mata kunti ke sath surya pooja karti thi jisaka mukhya uddeshya apne parivar ki lambi ayu aur svasth ki kamana thi.ise bhi chhath puja ke liye mana jata hai.




Chhath puja ki puri vidhi detail me

chhath puja ka tyohar 4 dino tak manaya jata hai jiske har din ka apana mahatv hai jo is prakar hai. Is saal chhath puja 2018 me 13 november ko hai.


Chhath Puja ka parv kab manay jata hai-Chhath Puja ki puja vidhi hindi me


1 . nahay khay

sabse pahle  chhath puja ke pahle din yani kartik mahine ke shukal paksh ke chaturthi ko nahay khay ke nam se bhi jana jata hai is din poore ghar ko saf suthara karke shudh karke pooja ke yogya banaya jata hai .  
chhath puja ke din jo log vrat rakhte hai ve sabse pahle snan karke naye vastar dharan karke is vrat ki shuruat karte hai vrat karne vale ke shakahari bhojan khane ke bad hi ghar ke anya sabhi sadasya bhojan grahan karte hai shakahari bhojan me kaddoo aur chane ki dal tatha chaval vishesh roop se mahatv hai


2. lohanda aur kharana

is chhath puja  vrat ke dusare din yani panchami ke din poore din vrat rakhne ke pashchat sham ko vrati bhojan grahan karti hai jise kharana kaha jata hai kharana ka matalab hota hai . 

poore din pani ki ek boond bhi piye bina vrat rahana hota hai phir sham ko chaval aur gud se khir banaya jata hai jisme chaval ka piththa aur ghi ki chupadi roti bhi banayi jati hai is khane me namak aur chini ka prayog nahi kiya jata hai aur ise prasad ke roop se as pas ke logo ko bhi bata jata hai.





3. sandhya arghy

chhath puja ka yah vishesh din hota hai kartik mahine ke shukl paksh ke shashthi ke din yani pooja ke tisare din chhath puja ka prasad banaya jata hai prasad ke roop me thekua ka vishesh mahatv hai. 

bharat ke kuch bhago me ise tikari aur anya namo se bhi jana jata hai iske alava chaval ke laddoo bhi banate hai phir sham ko poori tarah taiyari karne ke bad in prasado aur pooja ke phalo ke bans ke tokari me sajaya jata hai . 

is tokari ki pooja karne ke bad ghar ke sabhi sadasyo ke sath jo vrat rakhte hai ve surya ko arghya dene ke liye talabo, nadiyo ya ghato par jate hai phir vrati pani me snan karke doobata hue surya ki vidhivat pooja karke surya ko arghya deti hai is manohar drshya ko dekhne layak hota hai jiske karan ghato par atyadhik bhid lag jati hai.


4 . usha arghy

chhath puja ke chauthe din yani saptami ke din jaise log doobate hue surya ko arghya dete hai thik usi prakar poore parivar ke sath ugate hue surya ko arghya di jati hai aur vidhivat pooja path karne ke bad prasad ka vitaran kiya jata hai aur is prakar is chhath puja ka samapan kiya.



Conclusion

ham kah sakth hai ki chhath maiya santan ki raksha karne wali mata hai.iska vrat ke kathin niyam hota hai.is din log chhath puja video,chhath puja geet,chhath ke geet adi sunate hai.


chhath puja 2018 ki Hardik shubkamnaye

Post a Comment

0 Comments